Tuam Tsev Kawm Ntawv Qib Siab
Hennepin Technical Zoo Siab Txais Tos!
Zoo Siab Txais Tos Tuam tsev kawm ntawv qib siab Hennepin Technical tau npaj siab los tsim ib qho chaw kawm ntawv uas txhawb cov neeg kawm ntawv kom xyaum rov pab cov pej xeem uas los ntawm ntau hom kev cai thiab ntau haiv neeg. Peb txhawb kom cov neeg kawm ntawv txhua haiv neeg yuav tsum kos npe tuaj mus kawm hauv HTC. Peb tau muab nplooj ntawv no sau ua ntau haiv lus kom pab cov neeg kawm ntawv uas tsis txawj hais lus Askiv pib tau yooj yim hauv HTC. Thov ceev faj: nplooj ntawv no yog ib nplooj qhib qhia; nws yog pib qhia rau cov neeg kawm ntawv uas muaj kev txaus siab yuav tuaj mus kawm hauv lub tsev kawm ntawv qib siab no. Muaj ntau yam txog lub tsev kawm ntawv, cov kev txuj ci kawm thiab kev pab thaum mus xyuas lub tsev kawm ntawv thiab sib tham nrog ib tug neeg pab npaj tswv yim rau txoj kev kawm.
Tuam Tsev Kawm Ntawv Qib Siab Hennepin Technical yog dab tsi?
Tuam tsev kawm ntawv qib siab Hennepin Technical yog qhia tej txuj ci tsim nyog mus ua tej hauj lwm. Lub tsev kawm ntawv muaj ntau fab kev kawm. Tuam tsev kawm ntawv qib siab Hennepin Technical nyob rau qhov chaw yooj yim hauv lub zos Brooklyn Park thiab Eden Prairie. Saib HTC Maps and Locations page (nplooj ntawv qhia cov duab kev thiab chaw nyob) kom paub meej ntxiv. Cov neeg kawm ntawv caij tau lub tsheb npav mus txog ntawm ob lub tsev kawm ntawv. Tuam tsev kawm ntawv qib siab Hennepin Technical muaj 45 fab kev kawm:
- Lag Luam thiab Tshuab Koopibtawj
- Kho Kev thiab Kho Vaj Tse
- Paj thiab Tu Ncig Vaj Tse Kom Zoo Nkauj
- Kev Noj Qab Haus Huv
- Lag Luam Ua Khoom Siv thiab Hluav taws xob
- Kev Xov Xwm Txuas Lus
- Kev Pab
- Kev Siv Tsheb Mus Los
Lub tsev kawm ntawv xav kom cov neeg kawm tau zoo hauv lawv cov kev kawm, vim li ntawv HTC thiaj yuav tsum kom tag nrho cov neeg kawm ntawv xeem tus Placement Test uas qhia cov neeg kawm ntawv cov qib. Tus xeem no tsis yog xyuas seb xeem dhau los yog xeem poob. Nws muaj cov ntsiab lej thiab ntsiab ntawv nyeem uas yuav pab lub tsev kawm ntawv tso koj rau cov hoob uas pab koj kawm tau zoo. Xyuas nplooj ntawv Placement Testing page kom paub meej ntxiv. Ib tug neeg kawm ntawv twg yuav ntsib nrog ib tug neeg pab nws npaj tswv yim tom qab xeem tag. Tus neeg pab npaj tswv yim yuav xyuas seb koj xeem tau zoo li cas thiab tham nrog koj txog koj txoj kev kawm ntawv thiab cov hom phiaj lub neej tom ntej. Lawv yuav qhia koj txog kev pab qhia ntawv dawb thiab kev pab rau txoj kev puas ib ce nrog rau tej kev uas neeg kawm ntawv koom nrog thiab cov koom haum (student clubs and organizations).
Pib kawm hauv HTC yooj yim heev. Tsuas ua raws li cov kauj ruam nram no:
- Nug kom tau cov ntaub ntawv qhia txog lub tsev kawm ntawv
- Mus xyuas lub tsev kawm ntawv
- Sau kom tiav tsab ntawv txaus siab kawm ntawv C
- Sau ntawv thov nyiaj pab them nqi ntawv
- Teem sij hawm tuaj xeem tus placement test
- Ntsib nrog ib tug neeg pab npaj txoj kev kawm
- Kos npe rau cov hoob xav kawm
HTC zoo siab txais tos cov neeg kawm ntawv tshiab thiab cov hloov lwm lub tsev kawm ntawv los. Tam sim no HTC muaj cov neeg kawm ntawv tuaj txawv teb chaws tuaj ntawm 25 lub nroog. Tsab ntawv sau npe tuaj kawm ntawv, daim ntawv kos teev tseg thiab cov kauj ruam rau cov neeg kawm ntawv txawv teb chaws muaj nyob hauv internet ntawm nplooj ntawv International Student Admissions Page.
HTC muaj kev pab qhia ELL (neeg kawm ntawv Askiv) zoo heev. Qhov kev pab ELL pab cov neeg kawm ntawv kawm lus Askiv kom npaj lawv mus kawm tau cov ntawv raws li lawv siab nyiam. Cov hoob qhia hauv paus ntawv, cov xyaum kawm zuj zus thiab ELL muaj nyob rau nplooj ntawv HTC Course Schedule Page.
Them Nqi Kawm Ntawv Qib Siab
HTC yog ib lub tsev kawm ntawv pheej yig tshaj plaws hauv cov zej zog thiab muaj ntau txoj kev pab them nqi kawm ntawv. HTC muab nyiaj pab ntau cov neeg kawm ntawv los ntawm tej nyiaj pub dawb, nyiaj qiv thiab nyiaj phaj tshab rau cov kawm tau zoo. Lub tsev kawm ntawv muaj hauj lwm rau cov neeg kawm ntawv ua rov los them nqi kawm ntawv thiab cov neeg kawm ntawv muaj cov hauj lwm nyob hauv lub tsev kawm ntawv ua ntej los yog tom qab kawm ntawv. HTC Financial Aid npaj tau lub tswv yim qhia them nqi kawm ntawv. Yog koj muaj cov lus nug txog nqi ntawv, kev them nqi ntawv los yog kev cai them nuj nqis, thov mus xyuas qhov Tuition and Fees area.
Sau Npe Kom Kawm Cov Hoob
Sau npe kawm cov hoob yooj yim heev. Peb xav pab koj. Siv tau internet los sau npe los yog tias nws yog koj thawj zaug xwb, koj yuav tau mus sau npe tim ntsej tim muag. Kom paub cov kev cai sau npe thiab cov kauj ruam thiab lus txog cov hnub sau npe, thov mus xyuas qhov HTC Registration area. Yog koj xav paub ntxiv txog lub tsev kawm ntawv, thov hu rau peb, peb xav pab koj. Cov xov tooj rau tej fab twg muaj li nram no.
| Fab | Xov tooj |
| Xav Tau Pob Ntawv Qhia (BPC) | 763-488-2450 |
| Xav Tau Pob Ntawv Qhia (EPC) | 952-995-1452 |
| Teem Sij Hawm Ntsib Neeg Pab (BPC) | 763-488-2547 |
| Teem Sij Hawm Ntsib Neeg Pab (EPC) | 952-995-1450 |
| Placement Test (BPC thiab EPC) | 952-995-1545 |
| Tus Kws Pab Npaj Tswv Yim (BPC) | 763-488-2410 |
| Tus Kws Pab Npaj Tswv Yim (EPC) | 952-995-1440 |
| Kos Npe Kawm Ntawv (BPC) | 763-488-2580 |
| Kos Npe Kawm Ntawv (EPC) | 952-995-1460 |
| Nyiaj Txiag Pab (BPC) | 763-488-2491 |
| Nyiaj Txiag Pab (EPC) | 952-995-1471 |
| Xov tooj rau lub tsev kawm ntawv | 952-995-1300 |
Peb zoo siab txais tos koj tuaj rau hauv Tuam Tsev Kawm Ntawv Qib Siab Hennepin Technical thiab npaj siab pab koj txoj kev kawm ntawv.
Contact HTC at 952-995-1300 or info@hennepintech.edu
Copyright © 2009 by Hennepin Technical College